السعاده مش ف المال ياخوانا السعاده ف راحة البال و الحب و العشره آللي بتجمعنا
إننا نتحمل المسؤليه ونكون ايد واحده ونراعي ربنا وضمايرنا ونخلي بالنا من مستقبلنا
نعالج عيوبنا ومشاكلنا ونمشي زي ما ربنا أمرنا ونكون مثل أعلى لغيرنا
نرضى ونحمد آللي خلقنا ونقف مع بعض ف الشده هاتحلو الدنيا ف نظرنا
نحافظ ع سمعتنا وشرفنا ونقول الحق حتى لو ع حساب أعز وأغلى شيء بالنسبالنا
ربنا هاينصرنا ويعلي من مقامنا وهايسعدنا بقيت حياتنا.
ومافيش داعي نبص لغيرنا وننسى ان ربنا مطلع ع أعمالنا.
نصفي نفوسنا ونسعى ف تحقيق أهدافنا ونثبت وجودنا ونعالج أخطأنا.
نكون مخلصين ف بيوتنا زي الرسول ما بلغنا ونزيل الشيطان من طريقنا
وندور ع الشئ آللي ينفعنا ويداوي همومنا وننسى الماضي ونبتدي من النهارده ونعبر عن إحساسنا ومشاعرنا.
للناس آللي بتقدرنا وبترسم الفرحه داخل قلوبنا وتريح أعصابنا.
دي دنيا فانيه ومهما طال العمر الموت ف إنتظارنا يبقى ليه نسرق ونقول من حر مالنا
السعاده الحقيقه ف رضا المولى مش الفلوس اللي هاتسعد أيامنا
بس نستخدم عقولنا ونريح بعض ونحافظ كل شئ جميل ونعوض سنين عذابنا
هانلاقي الدنيا بقت جنه وربنا هايبارك ف مالنا والسعاده تكون من نصيبنا
شاعر العصر صاحب كلمه لها مضمون ومعنى يفيدنا و ينفعنا بقصيده جميله تنال إعجابنا
وتحسن دايما من أخلاقنا وتذكرنا باللي خلقنا وداوي همومنا و أوجاعنا ......
الشاعر طاهر مختار عتيت
شاعر العصر.... تحيا مصر
كفر الزيات..... اكوه الحصه
ليست هناك تعليقات:
إرسال تعليق