انا مش تلميذ
انا مش تلميذ خيبان
رايح الامتحان
ولا لسه بتعلم الكلام
هكسر كل الحواجز
وهاقول اشعار
ومش هلتزم
بوزن ولا قافية
حتى لو قالو الناس
دا بيقول شعر با لعافية
وكلامه خايب
بيجيب الكافية
ولا ها قبل حد
يقول اتكلم بشرط
او يحط تحت كلمة خط
هتحرر من كل القيود
وهاكون فى شعرى حر
وانا سعيد بحريتى
حتى لو كانت سبب دمعتى
او اتعريت وبعت هدمتى
كفايه انى حر طليق
حتى لو فى بحر غريق
عارف سكتى
الحرية مرادى وبغيتى
بقلم / محمد ناجى
ليست هناك تعليقات:
إرسال تعليق