خلاصة الأمر كله
بقلم..مرقص إقلاديوس
.........
فيه ناس كتبت كتب من ورق.
و ناس كتبت كتب من حجر.
و ناس ماتت من سنين،
و لسة كلمتها مسطورة
على قلوب البشر.
و فيه كتب مكتوبة على الجبين
بيقولوا إن إللى عالم القادر المقتدر.
و فيه اللى يساعدك عشان تقدر.
و اللى يكسر مقاديفك
عشان ما تقدرش.
و إللى يقدرك لله فى لله كدة.
و إللى مهما إديته ما يقدرش.
و فوق الكل صاحب القدرة
إللى يقدر وحده
و يدى القدرة للى ما يقدرش.
و هنجرب تانى
و نروح بعيد ليه.
و نفضل نعيد و نزيد فى الحكاوى.
معلمنا سليمان قال زمان
و كتبوا كلامه فى الأمثال
و كتبوا كلامه غناوى.
أفكرك بإللى قاله زمان
ياللى إنت على الفرح ناوى.
كل اللى بنشوفه
إللى قبلنا شافوه.
و كل إللى بنعيشه
إللى قبلنا عاشوه.
و لسه الواحد مننا
أول ما بيتعلم القسوة
بيتعلم القسوة فى إللى حبوه.
غريبة أوى إن الناس
دايما بتنسى.
إن أول قتيل على أرضنا
إللى قتله أخوه.
و خلاصة الأمر كله
أن تتقى الله و تصنع وصاياه.
ليكون لك مكانا عنده
عندما تعود إلى سماه.
فمهما طال عمرك
و إرتفعت متمجدا.
فمصيرك يوما إلى لقياه..
ملاح بحور الحكمة
مرقص اقلاديوس
ليست هناك تعليقات:
إرسال تعليق