فكر بأه
بقلم ..مرقص اقلاديوس
...........
يا عشاق الجمال
اتلفتوا حواليكو.
هتلاقوا الأرض
مليانة بيه.
بص على أى طير.
هتستغرب أوى
على الجمال
إللى هوا فيه.
على فكرة..
جماله أساسا
مش ليك.
ده عشان
يعجب أليفه
و يلاغيه.
تابع وردة.
الصبحية بتفتح.
محتاج دفاتر
تدرس فيها و تشرح.
و إللى يحب الجمال .
فى الجمال يسرح.
لكن النبتة بتطرح.
و بناكل ثمرها و نفرح.
و الوردة ...
و ظيفتها إيه.
و ظيفتها
إن الواحد لما يشوفها
تتمتع عينيه.
و يسبح إللى بدعها.
و يسمع كلامه.
و فى فرحه ،
و فى حزنه،
يناديه.
و فكر بأه...
إللى إدا الورد ريحته.
رحابه يبقى ريحته إيه.
و إللى إدا الطير جماله
مين يلقى كلام
يوصف جماله بيه.
ملاح بحور الحكمة
مرقص اقلاديوس
ليست هناك تعليقات:
إرسال تعليق