محاورة*** الشاعر محمد عواد البشكمي والشاعرة وجد

محاوره جرت بيني وبين وبين
الشاعره وجد
في احدى قروبات الشـــعر

اقـول….. 
ياوجد حالي من عنا البعد مبــغاه
ثوب الحزن مـن بعدكم مارميــته

وجـد
قلي علامك وش عيــونك تمناه
ويش الذي انــت بخفوقك بغيـته

محمد
شفت العيون ولذة الشوف محلاه
حتـــى الذي ابغـاه والله نسـيته

وجـد
قـلي بصراحه واترك الهم والاه
هي الـــذي بالعــمر يازين ميته

محمد
ويلاه مـن فرط الاحاسيس ويلاه
الحب كله فـي عيــونك قريــــته

وجـد
بانت شعـوري داخل العيـن يالله
صح الـذي انت بعيـــوني قـريته

محمد
قلبـي دليلـي مايتــــيه ولو تاه
ما عمري ارجع في طريقٍ مشيته

وجـد
اثرك عرفت بداخل القلب وش فاه
عالعـام ما ودي بطريقٍ مشـيته

محمد
شوقٍ بعينك لعنــبووو مـن تحداه
عالخاص جيتك والمتابع نسيته