(سلطان زمانك)*** بقلم هبة تمام

(سلطان زمانك) 
طب أقول أيه عن أحوالك...
ولا فى دماغك .... 
مانت "حبيبى"طول عمرك....
"سلطان زمانك" .... ،،،،،،،،،،،،،،،،،،،،،،،،،،،،،،،،،،،،
عايشها بالطول والعرض ....
ولا تفرق عندك،زى بعض ....
مش فارقة معاك لقا أو بعاد ....
أدور عليك أو استناك ....
راكب الغرور وف ايدك العناد ....،،،،،،،،،،،،،،،،،،،،،،
اتقل واتدلل على راحة راحتك ....
وأوعى تسلم ....
واسكت ولا تتكلم ولا تفرق ...؟!
فهمينك ، وأدينا بنتعلم ....!!
ومسيرها عواطفك تخضع ...
والنبض يسلم ...،،،،،،،،،،،،،،،،،،،،،،،،،،،،،،،،،،،،
"""وبتحداك""".....
مانا ساكنة فى قلبك جواك...
دايب فيا ،ومدوبنى هواك ...
ومسيرنا نشوف أخرتها معاك...!!،،،،،،،،،،،،،،،،،،،،
عمالة أوصف فى جمالك ...
وحسن طبيعتك ويا خصالك....
وحلاوة طلة وجهك وبهاءك ....
مع رقة أحاسيسك وحنانك ....
دا غير بقى طيبتك...
وكرم أخلاقك ...
مانا يا "حبيبى "بعشق ...
تفاصيل كل حالاتك ....،،،،،،،،،،،،،،،،،،،،،،،،،،،،،،،،،
عاشقة عيوبك قبل عيونك ....
واحترت خلاص ف جنونك وشرودك...
وبصبر على غيرتك وظنونك ....
حافظينك طب ايه؟! بقى قولك ....،،،،،،،،،،،،،،،،،،،،،
لساك عايش جوات قلبى ومتربع ....
ولا فى كدة أجمل ولا أروع ....
راسى وهادى متبغدد ، متغندر ....
رامى الدنيا من ورا ضهرك....،،،،،،،،،،،،،،،،،،،،،،،،،
ومش فارقة معاك...
كل اللى جاى....
ولا حتى اللى فات....
حتى الحنين ، والذكريات ....
ولا عارفة أيه اخرتها...
حكايتى معاك ....؟!!
ولا بقدر يوم على بعدك ....
ولا تعذيبى ف نار هواك ....
فكفاية عليا أحبك ...
وكدة من سكات ....،،،،،،،،،،،،،،،،،،،،،،،،،،،،،،،،،
(سلطان زمانك ...عامية.. بقلم هبة تمام )