{الفهود صاينة الحدود}》 كلمات/إبراهيم دعبس (الساحر)

《{الفهود صاينة الحدود}》
أه يا سينا يا حبيبتي
يللي ساكنة ف القلوب
ع الخريطة قمرة أنتي
من شمالك للجنوب

مين حسنه زي حسنك
و ﻻ رمله له تاريخ
الله كتر فى محاسنك
قلبي جامع وأنتي شيخ

من زمان العين عليكي
والحسود قبل الحقود
بس الله اللي حميكي
وجيشنا خيرة الجنود

قلب مصر يا بهية
وشاربة منها اﻻرادة
هيه انتي و انتي هيه
والهوى فيكو عبادة

أه يا سينا من العوازل
وغل ساكن ف النفوس
بس كل الشر زايل
ضحكتك شمعة فانوس

دوسي فوق الصعب عدي
أيه الجديد ياما دوستي
وقوليلهم مين اللي قدي
دانتي عشقي وعروستي

أرقصي وغني وعيشي
الفهود صاينة الحدود
مين يقدر على جيشي
مين يقدر على الفهود

ليه تقوللي هما ادري
مصر مقبرة الغزاة
جنب جيشي هما نكرة
جيشي قارب النجاة
كلماتي/إبراهيم دعبس (الساحر)