انتو فين***** بقلم زكريا ضاحي توفيق

إنتوا فين ؟!
إنتوا فين يا عرب ؟
لما الدم غَرَّق حلب!!
إنتوا فين؟!
عِميت عِيونكُم.!!
اِتسدِّت وِدَانكُم
وَلا يا عِيني نايمين!!
والصاحي اللي فِينا
يَشجب َيعترض يُدين!!
فين العروبة فين الأخوة؟
فين الأمومة فين الابوة؟
دَوَّر عليها في الَكانتِين!!
مَا رَاح خَلاص زمن
الطَّيبين
زمن جَدِّي وجَدَّك كانوا
يِملو العين
مُش شُوية رِمَمْ لا نَخوَّة
ولا دِين
جَاوبوني يلا إنتو فين؟!

أدينا قاعدين بنسمع كارينا
ونحلي بعلاء الدين
ونجشع ريال ونغني لروما
ولو حد دايقك تسب الدين
أأأه
هحكي لمين ؟
وأشكي لمين؟
ما أنا زيكم عربي صَميم
شايف وساكت سامع وعارف
وودن طين والتانيه عجين
هسكت خلاص
لتقولي إني صلاح الدين…

بقلمي/ زكريا ضاحي توفيق