احروف إسمكِ بالگلب محفورة
يلي بخلت أنته عليَّه بصورة
بصورتك تبخل عليّ
آنه ميت مدري حيّ
روحي تحبك ياحلو معذورة
ردت منك ياحبيبي صورتك
حته اشوفك من يمنعونك هلك
بگلبي أحفظها بمكان
وگلت أغرگها بحنان
وتدري روحي بس الك منذورة
خطيه روحي تريد وصلك من قريب
وأنت عدها أفضل وأجمل حبيب
دزلي ياغالي الرسم
وخلي روحي تبتسم
وهيّه تبقى للوفي مشكورة
احروف إسمكِ بالگلب محفورة
قاسم عبد العزيز الدوسري
ليست هناك تعليقات:
إرسال تعليق