عصيتي☆بقلمي☆كاشف عبدالجواد
☆☆☆☆☆☆☆☆☆☆☆
عصيتي!
عصيتي وكنت بتعكز عليها
اعوجت
اتحملتني كتير لكن في الاخير
ضجت
حملي وعمره ماكان عليها
تقيل
دايما صاينها في كل مرة
عليها اميل
عصيتي الجميلة زان متطعمة
بأبنوس
ولا مرة خليت بيا مهما كنت
اتكاادوس
أصيله ما كلت ولامرة ملت
والغلطة كانت غلطتي
كانت في طوعي انا اللي
ضليت سكتي
ولسكة واعرة اخدتها
ارض حجر حتى الشجر
مالوش فيها ضل
الخبث من طبع البشر
ياطريق طويل مليان حفر
حكمت فيها قبضتي اسيت
عليها انا والطريق.
اعوجت.
عصيتي .....
☆☆☆☆☆☆☆☆☆☆
kashef.
ليست هناك تعليقات:
إرسال تعليق