ماضينا وذكرياتنا والظروف والمشاكل آللي واقفه دايما ف طريقنا.
ومهما مرت الأيام مافيش جديد إتغير ف حياتنا ولا حتى ف شخصيتنا.
ولا عمر بيأثر فينا ولا دنيا بتخدمنا وحاسين دايما بالظلم وأصبح كل شىء سئ ف نظرنا.
دموع وجراح وذكرى كانت دافع لنزول دموعنا ومهما طال العمر برضوا زي ما إحنا.
وناس كانت معانا وفجأه بكلمه إفترقنا ومش عارفين نحدد هدفنا
وعشنا ف غربه وعزله ومن مكان لمكان حتى الفرح صعب يجالسنا.
وأصبحت الدنيا مش لينا لكن لغيرنا لناس حاسه بالراحه والأمان والسيطره الكامله وانتهت الحياه بالنسبالنا.
وبنقضي أيام وف إنتظار الموت يفاجئنا وحاسين دايما بدموعنا بعذابنا.
وأصبحنا ف صراع مع الدنيا الاخ داس على أخوه والصاحب مبقاش ينفعنا.
والكل بيسعى ويجري والمصلحه ع حساب العشره آللي بتجمعنا
والذكرى الطيبه آللي كانت ف يوم بتسعدنا حتى الدين والضمير مات داخل قلوبنا
كان لازم نهدى ونراعي العشره آللي ونتمسك بدينا وبلاش عيند ومجادله
بالحب والخير كنا هانرتاح ف حياتنا ونعيش ف أمان والكل يقدرنا وتتحقق أحلامنا.
لكن هي دي طبيعتنا وعايشين دايما ف مشاكل ماضي وحاضر وظروف بتطاردنا.
السعاده الحقيقه ف راحة البال والعشره الجميله آللي كانت بتجمعنا وبترسم الفرحه ف قلوبنا.
يارب قادر تجمعنا وتزيل الكره من قلوبنا وتهدينا وتعالج عيوبنا وتنصرنا داخل وخارج بيوتنا.
شاعر العصر صاحب كلمه لها مضمون ومعنى يفيدنا و ينفعنا بقصيده جميله تنال إعجابنا.
وتحسن دايما من أخلاقنا وتذكرنا باللي خلقنا وداوي همومنا و أوجاعنا...
الشاعر طاهر مختار عتيت
شاعر العصر.... تحيا مصر
كفر الزيات... اكوه الحصه
ليست هناك تعليقات:
إرسال تعليق