.....أمي ...بقلم علي كمال

..
...أمي ...بقلم علي كمال
يا ضحكة عمري
يا كلمتي و همسي
يا وخداني في حنانك
يا يومي و بكره و امسي
في مرضي تداويني
و في حزني تواسيني
وفي فرحتي تشاركيني
يا أمي ..يا أمي
يا معلماني الحكمه من كلمتك
يا مصبراني علي الأيام بضحكتك
ضميني... في حضنك
لملميني
نجيني من قسوة الأيام
أحميني
يا.. أمي.. .يا أمي
سندي وضهري ..لحمي و عرضي
طول عمرك من نفسي بتحميني
لو في يوم الغربه عنك خدتني
و ليالي البعد عنك نستني
أرجع اجري عليكي
أبوس اديكي
واطلب منك
تسامحيني يا امي
ما انت طول عمرك تسامحيني
حتي لو غلط
و خدتني الأيام عنك و تهت
أرجع ألائيكي ..تضميني
بطرف شالك تمسحي الدمعه من عيني
تطبطبي علي
وفي حضنك تدفيني
يا ستري و غطايا
يا ضحكتي و بكايا
يا أمي ...يا أمي.. يا أمي
سامحيني ..
لما الدنيا عنك تخدني
و بحور الاحزان تغرقني
أنت يا أمي طوق النجاه
انت يا أمي كل الحياه
بلمسه منك
ترجعلي فرحتي
وأنسي همومي و قسوة دنيتي
ما انت يا أمي في رضاكي
رضا ربي ..ينور دنيتي
وفي نظرة عيونك
أشوف فرحتي ..
انت يا امي جنتي ..

بقلم علي كمال
...