عم تحسين _ بقلم أحمد جبر

عم تحسين .. بقلمى / أحمد جبر
..

ضلمة والناس نايميين
عايشين ما بين حلمين
حلم الناس الغلابة
لولاد أكابر واصلين
حسن وحسين وحسنين
أخوات تلاتة متفرقين
سمعوا موت أبوهم
جم اوام متجمعين
خدوا التعازى مترصصين
أيد ورا أيد تسلم
ولا عارفين دول مين
كان تفكيرهم ف الملايين
وثروة أبوهم تحسين
والنصيب الأكبر لمين
كان أخر المعزيين
المحامى زين الدين
رحبوا بيه ف الحال
لجل التركة والأموال
و نص الوصية والتأمين
قالهم بالفم المليان
ملكمش فيها مليم
وكل التركة للمساكين
إستغربوا مش مصدقين
وكانوا من الدهشة مصدومين
قالوا إزاى وده يرضى مين
واحنا الأولى مش تانيين
على جثتنا لو ده حصل
هتكون نهايتك ولا الضاليين
كان المشهد مشين
والتلاتة عليهم العين
وقفوا الناس ملمومين
أه يا خسارتك يا تحسين
خليت الكل بعدك حزين
كان الحق عندك
لما قلت عليهم خاينين
عبيد للقرش متمرمغين
غاصوا رؤوسهم ف الطين
وعن شرفهم مكتومين
والحقيقة معميين
كلاب للأصل ملاعين
يا مصر خليكى ضلمة
بكرة ييجى ونصير مفتحين
وف كل الحالات
أدينا عايشين