خلي نتقاسم زعلنه / للشاعر أبورؤى الدوسري

خلي نتقاسم زعلنه
مره آنه،،،،ومره أنته
وخلي نتقاسم فرحنه
مره آنه ،،،،ومره أنته
أنته موبس واحد حبيب
أنته بلسم للجرح للمايطيب
وكلشي أنته
انته نور العين لو فقدت بصرها
أنته شمس الله بشته ،،،وبلهفة أنتظرها
أنته أغلى الناس عندي
إنته روحي ،،،،وأنته سعدي
وكلشي أنته
انته دنيه وعشت بيها
وأنت لحظات السعادة الأرتجيها
أنته نبضات الگلب
وأنته ماي الله العذب
وكلشي انته
لو تلوم الناس كلها مايهمني
لو يلوموني اعله حبك
لو يلوموني الشماته بسبب صدك
تبقى انته أغلى هاي الناس عندي
وكلشي أنته
 أبورؤى الدوسري