مجلة أبجدية الياسمين للإبداع الأدبي

مجلة أبجدية الياسمين للإبداع الأدبي
رئيس مجلس الادارة فاطمة الفاهوم

السبت، 31 ديسمبر 2016

{حلم}....المبدع شعبان ابراهيم

{حلم}
شفتها زي الفراشه
وشها مليان بشاشه
كات بتضحك ضحكه رايقه
زي نجمه ف قلب شاشه

الشفايف كات فراوله
والخدود بينهم مداوله
قلت أجرب جايز افلح
حتي انول شرف المحاوله

القوام والعود حكايه
حاجه تتشاف من مرايه
تشبه البدر بتماموا
هي حلوه من البدايه

شعرها أسود حرير
زي تاج من فوق أمير
كان يرفرف فوق كتافها
زي فرحه تكون لطير

قلت أقرب منها اكتر
شفتها الله أكبر
سحر باين من عيونها
كيكه ومغلفها سكر

لسه هبدأ بالكلام
طيفها ولى وراح أوام
واما فتحت ف عيوني
قلبي قاللي دا كان منام

حلم
كلماتي/شعبان أبراهيم0
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)