مش غريبة أنك تحب !
أنك تعيش على نبض قلب
تبقى ليه صادق أمين
مش سراب فى حكاية كذب
الغريبة أنك تموت
جوه السكوت
ولما تنادى مرة حب
تقول يارب تعدى تفوت
تبقى النهاية قبل البداية
قبل السلام ما يكون حكاية
وأحس الآنين أصبح حنين
وأحضن مشاعر تكون منـايا
مش غريبة أنك تعـــوم
فى بحر الشوق كل يوم
تبقى فيهـــا شط الحبيب
ضى نور مش غيوم
الغريبة انك تعيش
قافل حياتك باب وشيش
وعايز أمان من الزمان
وأنت ناسى أنك ما فيش
عيش الحياه حب وحنان
عزة وكرامة من الآيمان
مش مجرد روح تنادى
بعد القلوب بين المكان
مش غريبة يكون ليك صديق
يكون معاك نعم الرفيق
يحس بيك يعيش معاك
يبقى ليك طـــوق الغريق
ويكون كمان منقوش فى توبك
ويكون كمان الستر فى جنونك
ويرسم ليك طريق ملامحك
لما تسوء معظم ظروفك
الغريبة أنك تعيش وحيـــــد
وتصاحب كل شئ عنيد
يقفل باب الرحمة منك
ويموت فيك كل شئ سعيد
.......................................
بقلم . محمد لبيب مصيلحى
ليست هناك تعليقات:
إرسال تعليق